Skymet forecasts ‘normal’ monsoon for 2025 स्कायमेटचा 2025 साठी मान्सून अंदाज: अधिक पावसाची अपेक्षा

Skymet forecasts ‘normal’ monsoon for 2025 यंदाच्या खरीप हंगामासाठी शेतकऱ्यांना अत्यंत दिलासादायक आणि सकारात्मक बातमी मिळाली आहे. हवामान क्षेत्रातील प्रसिद्ध संस्था स्कायमेट ने 2025 साठी मान्सूनचा अंदाज जाहीर केला आहे. स्कायमेटच्या अंदाजानुसार, यंदा जून ते सप्टेंबर दरम्यान 103% पावसाचं वितरण होणार आहे. म्हणजेच सरासरीपेक्षा अधिक पाऊस बरसण्याची शक्यता आहे.

अल-निनो निष्क्रिय, लानिन्या कमकुवत: मान्सून अनुकूल

स्कायमेटने स्पष्ट केलं आहे की अल-निनो आता निष्क्रिय स्थितीत आहे आणि लानिन्या स्थितीही कमकुवत झाली आहे, ज्यामुळे मान्सूनसाठी वातावरण अत्यंत पोषक आहे. या कारणामुळे भारतात, विशेषतः महाराष्ट्र, मध्यप्रदेश, केरळ, गोवा या राज्यांमध्ये चांगल्या पावसाची शक्यता आहे.

महत्त्वाचे मासिक पावसाचे अंदाज

स्कायमेटने पावसाच्या वितरणाचा मासिक अंदाज देखील दिला आहे. जूनमध्ये 96%, जुलैमध्ये 102%, ऑगस्टमध्ये 108%, आणि सप्टेंबरमध्ये 104% पाऊसमान राहील, असं स्कायमेटने म्हटलं आहे.

हे पण वाचा:

राज्यात पावसाची उघडीप, पण काही भागांत गडगडाटासह सरी; वाचा सविस्तर हवामान अंदाज

कृषी उत्पादन आणि जलसाठ्यांमध्ये वाढ

या सकारात्मक हवामान अंदाजामुळे खरीप पिकांच्या वेळेवर लागवड होण्यास मदत होईल, जलसाठ्यांमध्ये वाढ होईल आणि कृषी उत्पादनात एकूणच वाढीची शक्यता निर्माण होईल. गेल्या वर्षीच्या तुलनेत यंदा हवामान अधिक स्थिर आणि पोषक असल्याचं हवामान अभ्यासकांचे म्हणणं आहे.

शेतकऱ्यांसाठी शुभ संकेत

तर शेतकरी बंधूंनो, या वर्षी पावसाने साथ दिली तर उत्पादन आणि उत्पन्न दोन्ही वाढण्याची शक्यता आता वर्तवली जात आहे.

हे पण वाचा:

विदर्भात मुसळधार पावसाचा ‘ऑरेंज अलर्ट’, तर उर्वरित महाराष्ट्रात पावसाची उघडीप; वाचा ११ जुलैचा सविस्तर हवामान अंदाज (Maharashtra Weather Forecast)