hawamaan Andaaz मुसळधार पाऊस आणि हलक्या सरींची नोंद
१५ ऑक्टोबर सायंकाळी ६ वाजता हवामानाचा अंदाज घेतला असता, काल सकाळी साडेआठ ते आज सकाळी साडेआठ दरम्यान पुण्याच्या उत्तर भागात मुसळधार पाऊस झाला आहे. सातारा, सांगली, कोल्हापूर, सोलापूर, छत्रपती संभाजीनगर, जालना, नाशिक, बुलढाणा, वर्धा, यवतमाळ, अमरावती, गडचिरोली, लातूर, आणि धाराशिवच्या काही भागांमध्ये हलका ते मध्यम पाऊस झाला. कोकण किनारपट्टीवर मुंबई, ठाणे, पालघर, रायगड, रत्नागिरी, सिंधुदुर्ग आणि गोवा भागांमध्येही हलक्या पावसाच्या सरी दिसल्या.
नैऋत्य मोसमी पावसाची माघार, परंतु अजूनही राज्यात पावसाची शक्यता
भारतीय हवामान विभागाने आज नैऋत्य मोसमी पाऊस (मान्सून) संपूर्ण देशातून माघारी फिरल्याचे जाहीर केले आहे. परंतु, राज्यात अजूनही बाष्प आणि पूर्वेकडून वाहणारे वारे सक्रिय आहेत, ज्यामुळे पुढील तीन-चार दिवस मेघगर्जनेसह पावसाची शक्यता आहे.
15 Oct, नैऋत्य मोसमी पाऊस (SW Monsoon) आज, १५ ऑक्टोबर २०२४ रोजी संपूर्ण देशातून परतला आहे.
त्याच बरोबर ईशान्य मोसमी पाऊस,(NE Monsoon) दक्षिण-पूर्व द्वीपकल्पीय भारतात आज, १५ ऑक्टोबर रोजी दाखल झाला आहे.
: IMD https://t.co/BqCylBy2B5— K S Hosalikar (@Hosalikar_KS) October 15, 2024
बंगालच्या उपसागरातील कमी दाबाचे क्षेत्र: depression मध्ये होणार रूपांतर
बंगालच्या उपसागरात कमी दाबाचे क्षेत्र निर्माण झाले असून, आज रात्री त्याचे तीव्र कमी दाबाचे क्षेत्र depression मध्ये रूपांतर होण्याचा अंदाज आहे. या प्रणालीमुळे ढगांची दाटी होत असून, पुढील काही दिवसांत राज्यात पावसाचे वातावरण कायम राहणार आहे.
राज्यात गडगडाटी पावसाची शक्यता: चेन्नईकडे सरकणाऱ्या depression चा परिणाम
बंगालच्या उपसागरातील depression चा चेन्नईकडे प्रवास
सॅटेलाईट प्रतिमांनुसार, राज्याच्या आसपास गडगडाटी पावसाचे ढग दिसत आहेत. बंगालच्या उपसागरातील कमी दाबाचे क्षेत्र आज रात्री depression मध्ये रूपांतर होण्याची शक्यता आहे. हा depression उत्तर-पश्चिम दिशेने सरकून चेन्नईजवळ १७ ऑक्टोबरच्या दुपारी धडकण्याचा अंदाज आहे. पुढील काही दिवसांत चेन्नई आणि आसपासच्या भागात पावसाचा जोर वाढेल. आंध्रप्रदेशच्या दक्षिण भागात आल्यानंतर या प्रणालीची तीव्रता कमी होण्याची शक्यता आहे.
राज्याच्या दक्षिण आणि मध्य महाराष्ट्रात पावसाची शक्यता
या depression चा थोडाफार परिणाम राज्याच्या दक्षिण आणि मध्य महाराष्ट्रात जाणवण्याची शक्यता आहे. सॅटेलाईट प्रतिमांनुसार, जालना, नगर, पुणे, ठाणे, रायगड, रत्नागिरी, सिंधुदुर्ग, कोल्हापूर आणि धाराशिवच्या काही भागांत पावसाचे ढग दिसत आहेत. नाशिक, जालना, आणि शेवगावच्या आसपासच्या भागांमध्ये रात्री गडगडाटी पावसाचा अंदाज वर्तवण्यात आला आहे.
आज रात्री या भागात पाऊस
नाशिकमधील निफाड, घनसावंगी, अंबड, गेवराई, पैठण, आणि शेवगावच्या आसपासच्या भागांमध्ये गडगडाटी पावसाची शक्यता आहे. पश्चिम आणि दक्षिण पश्चिमेकडे सरकणाऱ्या ढगांमुळे आज रात्री आणि उद्या काही भागांत पावसाचा जोर राहण्याची शक्यता आहे.
राज्यातील विविध भागांत गडगडाटी पावसाची शक्यता: जामखेड, कर्जत, परांडा आणि मुंबईसह कोकणात पावसाचा अंदाज
रात्री काही भागांत मेघगर्जनेसह पाऊस होणार
आज रात्री जामखेड, कर्जत, करमाळाच्या उत्तर भागांत तसेच परांड्याच्या आसपास गडगडाटी पावसाची शक्यता आहे. श्रीगोंदा, दौंड, शिरूर या भागांमध्ये ढगाळ वातावरण असून थोडाफार पाऊस होण्याचा अंदाज आहे. पुणे शहराजवळ देखील पावसाची शक्यता असून, रात्री ढगांची निर्मिती झाल्यास गडगडाटी पाऊस होऊ शकतो.
ठाणे, पनवेल आणि मुंबईसाठी पावसाचा इशारा
खेड-मावळ, ठाणे, शहापूर, मुरबाड या भागांमध्ये गडगडाटासह पाऊस होण्याची शक्यता आहे. पनवेल आणि मुंबईजवळ देखील रात्री गडगडाटी पावसाचे संकेत आहेत.
कोकणातील पावसाची शक्यता
रत्नागिरीतील राजापूर, वैभववाडी, देवगड, कणकवली, सावंतवाडी आणि कुडाळ या भागांमध्येही आज रात्री गडगडाटासह पाऊस होईल. कोल्हापूरच्या आजरा आणि भुदरगड परिसरात देखील पावसाचा अंदाज आहे. गारगोटीच्या आसपासही पावसाची शक्यता आहे.
ढग पश्चिमेकडे सरकणार
राज्यातील अनेक भागांत ढग पूर्वेकडून पश्चिमेकडे सरकताना दिसत आहेत. काही ठिकाणी दुपारपासूनच गडगडाटासह पाऊस झाला आहे. आपल्याकडे पाऊस झाल्यास, कृपया कमेंट्समधून माहिती कळवा.
राज्यात उद्याही गडगडाटी पावसाची शक्यता: कोल्हापूर, पुणे, सिंधुदुर्गसह अनेक भागांमध्ये पावसाचा अंदाज
पूर्वेकडून पश्चिमेकडे वाहणाऱ्या ढगांमुळे पावसाचे वातावरण
उद्याही राज्यात पूर्वेकडून पश्चिमेकडे ढग वाहताना दिसतील, ज्यामुळे बाष्पासह गडगडाटी पावसाची शक्यता आहे. विशेषतः कोल्हापूर, सातारा, पुण्याचा पश्चिम भाग, सिंधुदुर्ग, रत्नागिरी, रायगड या भागांत मेघगर्जनेसह पावसाची दाट शक्यता आहे.
मुंबई, ठाणे आणि पुण्यातही पावसाचा अंदाज
मुंबई, ठाणे, नगर, सोलापूर, धाराशिव, पुणे, सातारा, सांगली, कोल्हापूर आणि नगरच्या दक्षिण भागांत उद्या गडगडाटी पावसाची शक्यता आहे. या पट्ट्यात मेघगर्जनेसह हलका ते मध्यम पाऊस होईल.
हे पण वाचा:
राज्यातील शेतकऱ्यांसाठी आजच्या 15 ठळक बातम्या
जळगाव, बुलढाणा, अकोला आणि अमरावतीसाठी पावसाची शक्यता
उत्तरेकडील जळगाव, बुलढाणा, अकोला आणि अमरावतीच्या भागात विखुरलेल्या स्वरूपात गडगडाटी पावसाची शक्यता आहे. तसेच, नाशिक, छत्रपती संभाजीनगर, जालना या भागांमध्ये स्थानिक पातळीवर ढग निर्मिती झाल्यास पाऊस होऊ शकतो.
विदर्भातील काही भागांत स्थानिक पावसाची शक्यता
नंदुरबार, पालघर, वाशिम, हिंगोली, लातूर, नांदेड, यवतमाळ, वर्धा, नागपूर, भंडारा, गोंदिया, गडचिरोली आणि चंद्रपूर या भागांत स्थानिक ढग तयार झाल्यास थोडाफार पाऊस होईल, अन्यथा हवामान कोरडे राहील. बीडमध्येही स्थानिक पातळीवर ढग तयार झाल्यास गडगडाटी पाऊस होण्याची शक्यता आहे.
राज्यात उद्या पावसाचा अंदाज: नाशिक, पुणे, मुंबईसह अनेक जिल्ह्यांसाठी हवामान विभागाचा यलो अलर्ट
हवामान विभागाने दिला यलो अलर्ट
उद्याच्या हवामान अंदाजानुसार, नाशिक, नगर, पुणे, सातारा, कोल्हापूर, सिंधुदुर्ग, रत्नागिरी, रायगड, ठाणे आणि मुंबई या जिल्ह्यांसाठी मेघगर्जनेसह पावसाचा यलो अलर्ट जारी करण्यात आला आहे. या भागांत जोरदार पावसाची शक्यता आहे.
इतर भागांमध्ये हलक्या ते मध्यम पावसाची शक्यता
पालघर, नंदुरबार, धुळे, जळगाव, बीड, धाराशिव, सोलापूर, सांगली, लातूर, परभणी, हिंगोली आणि नांदेड या जिल्ह्यांमध्ये हलका ते मध्यम पाऊस किंवा गडगडाटी पावसाची शक्यता हवामान विभागाने व्यक्त केली आहे.
विदर्भातील काही जिल्ह्यांमध्ये हलका पावसाचा अंदाज
छत्रपती संभाजीनगर, जालना, बुलढाणा, अकोला, वाशिम, अमरावती, यवतमाळ, वर्धा, नागपूर, भंडारा, गोंदिया, गडचिरोली आणि चंद्रपूर या जिल्ह्यांत क्वचित ठिकाणी हलका ते मध्यम पाऊस होण्याची शक्यता आहे.
शासकीय माहिती आणि योजना WhatsApp ग्रुप⚡जॉईन करा!