देशभरात 500 कापूस खरेदी केंद्र सुरू; महाराष्ट्रात 120 केंद्र कार्यरत cotton rate

cotton rate देशभरात 500 केंद्रांद्वारे कापूस खरेदी

भारतीय कापूस महामंडळाच्या (सीसीआय) माध्यमातून देशभरात 500 कापूस खरेदी केंद्र सुरू करण्याची घोषणा करण्यात आली आहे. महाराष्ट्रात यापैकी जवळपास 120 केंद्रे उघडण्यात येणार आहेत. याबाबत सीसीआयचे मुख्य व्यवस्थापकीय संचालक ललित कुमार गुप्ता यांनी माहिती दिली की, केंद्रांवर कापूस खरेदी करताना त्याची गुणवत्ता महत्त्वपूर्ण असेल. निर्धारित अटी व शर्तींनुसार योग्य दर्जाच्या कापसाचीच खरेदी केली जाईल.

महाराष्ट्रात 120 केंद्रे; मराठवाडा आणि विदर्भात केंद्रांचे प्रमाण अधिक

महाराष्ट्रातील 120 खरेदी केंद्रांपैकी 59 केंद्रे मराठवाडा विभागात असतील, तर विदर्भात 61 केंद्रे कार्यरत केली जातील. या केंद्रांवर दर्जेदार कापूस खरेदी होईल. यासाठी 8 ते 12 टक्के ओलावा आणि लांब धाग्याचे मापदंड ठेवण्यात आले आहेत. धाग्याच्या लांबीच्या आधारे दर ठरवले असून, साधारणतः लांब धाग्यासाठी 6621 रुपये आणि अतिरिक्त लांब धाग्यासाठी 8721 रुपये प्रति क्विंटल असा दर निश्चित करण्यात आला आहे.

राज्यातील कापूस उत्पादनावर पावसाचा परिणाम

महाराष्ट्रात “लॉंग स्टेपल” प्रकारचा कापूस मुख्यतः उत्पादनात घेतला जातो. मात्र, यंदा राज्यात झालेल्या अतिवृष्टीमुळे कापूस पिकावर प्रतिकूल परिणाम झाला आहे. पावसामुळे रोगाचा प्रादुर्भाव वाढला असून, मागील काही वर्षांतील कापसाच्या ढासळलेल्या बाजारभावामुळे शेतकरी कापसाची लागवड कमी करत आहेत.

हे पण वाचा:

सुप्रीम कोर्टाचा ईव्हीएम विरोधातील याचिकेला नकार

कापूस लागवडीत घट; यंदा केवळ 113 लाख हेक्टरवर लागवड

मागील काही वर्षांत देशातील कापूस लागवडीचे क्षेत्र घटले आहे. 2023-24 मध्ये देशात 124 लाख हेक्टरवर लागवड झाली होती, परंतु 2024-25 मध्ये ही घट अधिक ठळक झाली आहे. यंदा केवळ 113 लाख हेक्टरवरच कापसाची लागवड करण्यात आली आहे.

उत्पादन घटणार; आयात वाढण्याची शक्यता

कॉटन असोसिएशन ऑफ इंडियाने 2024-25 चा पहिला अंदाज जाहीर केला आहे. गेल्यावर्षी देशात 325 लाख गाठींचे उत्पादन झाले होते, मात्र यंदा 23 लाख गाठींची घट अपेक्षित आहे. देशात 30 लाख गाठींचा शिल्लक साठा असून, भारताने मागील हंगामात 17.5 लाख गाठी आयात केल्या होत्या. सध्याच्या अंदाजानुसार, भारतात यंदा कापूस आयातीत 7.5 लाख गाठींची वाढ होऊन 25 लाख गाठी आयात करण्याची शक्यता आहे.

हे पण वाचा:

देशातील आजचे कापूस बाजार भाव Cotton rate 26 नोव्हेंबर 2024