राज्य शासनाचा महत्त्वपूर्ण निर्णय

Sarpanch salary 2024 राज्य शासनाच्या माध्यमातून सरपंच आणि उपसरपंचांच्या मानधनात दुपटीने वाढ करण्यासाठी मंजुरी देण्यात आली आहे. यासंदर्भातील महत्त्वपूर्ण असा शासन आदेश (जीआर) 24 सप्टेंबर 2024 रोजी निर्गमित करण्यात आला आहे. राज्यातील सरपंच संघटना आणि लोकप्रतिनिधींनी वेळोवेळी केलेल्या मागणीनुसार ही मानधनवाढ मंजूर करण्यात आली आहे.

ग्रामपंचायतींच्या लोकसंख्येनुसार मानधन

• शून्य ते 2000 लोकसंख्या असलेल्या ग्रामपंचायतींमध्ये सरपंचांना 6000 रुपये, तर उपसरपंचांना 2000 रुपये मानधन मिळणार आहे. यामध्ये शासन अनुदान सरपंचांसाठी 4500 रुपये, तर उपसरपंचांसाठी 1500 रुपये असेल. उर्वरित रक्कम ग्रामपंचायतीच्या निधीतून दिली जाईल.
• 2001 ते 8000 लोकसंख्या असलेल्या ग्रामपंचायतींसाठी सरपंचांना 8000 रुपये, तर उपसरपंचांना 3000 रुपये मानधन दिले जाणार आहे. यामध्ये शासनाचे अनुदान सरपंचांसाठी 6000 रुपये, तर उपसरपंचांसाठी 2250 रुपये असेल.
• 8001 पेक्षा जास्त लोकसंख्या असलेल्या ग्रामपंचायतींसाठी सरपंचांना 10,000 रुपये मानधन मिळेल, ज्यामध्ये शासनाचे अनुदान 7500 रुपये असेल. उपसरपंचांना 4000 रुपये मानधन दिले जाईल, ज्यामध्ये शासनाचे अनुदान 3000 रुपये असेल.

राज्य शासनाच्या या निर्णयामुळे स्थानिक स्वराज्य संस्थांमध्ये कार्यरत सरपंच आणि उपसरपंचांना मोठा आर्थिक दिलासा मिळणार आहे.

हे पण वाचा:

मुख्यमंत्री माजी लाडकी बहिण योजना: सरकारच्या यशाचा मुख्य आधार