परतीचा पाऊस आज 24 सप्टेंबर सायंकाळी 5:45 वाजताच्या सुमारास हवामानाचा आढावा घेतला असता, मान्सूनच्या परतीच्या प्रक्रियेमध्ये थोडासा विलंब झाल्याचे दिसून येत आहे. हवामान विभागाच्या माहितीनुसार, पंजाब, हरियाणा, राजस्थानच्या पश्चिम भाग आणि सौराष्ट्र या भागांतून आज मान्सून माघारी फिरलेला आहे. मात्र, पुढील काही दिवसांत मान्सूनची परतीची रेषा वेगाने पुढे सरकण्याची शक्यता नाही. याचे कारण आहे बंगालच्या उपसागरातील कमी दाबाचे क्षेत्र, ज्यामुळे पावसाचा जोर वाढलेला आहे.
मागील 24 तासांतील पावसाची नोंद
सोलापूर, नगर, लातूर, मुंबई, ठाणे, पालघर, रत्नागिरी, आणि सिंधुदुर्ग या भागांत मुसळधार पावसाची नोंद झाली आहे. कोकणात पावसाचा जोर अधिक होता, तर मध्य महाराष्ट्र, मराठवाडा, आणि विदर्भातील अनेक भागांत मेघगर्जनेसह जोरदार पावसाच्या सरी बरसल्या आहेत. काही ठिकाणी जोरदार वाऱ्यांसह मध्यम पावसाची नोंद झाली आहे.
बंगालच्या उपसागरातील कमी दाबाचे क्षेत्र आणि हवामानाचा अंदाज
बंगालच्या उपसागरात कमी दाबाचे क्षेत्र निर्माण झाल्यामुळे राज्यात पावसाचा जोर वाढलेला आहे. यासोबतच, ईस्ट-वेस्ट विंड शेअर झोन देखील राज्याच्या आसपास असल्यामुळे या क्षेत्राच्या प्रभावामुळे कोकण किनारपट्टीसह नागपूर आणि उत्तर महाराष्ट्रात चक्रकार वाऱ्यांचा परिणाम दिसून येईल. त्यामुळे राज्यातील पावसाचा जोर पुढील 24 तासांतही कायम राहील.
मान्सूनच्या परतीसाठी अद्याप वातावरण अनुकूल नाहीये, त्यामुळे राज्यात पुढील काही दिवसांत पावसाचा जोर कायम राहण्याची शक्यता आहे.
राज्यातील अनेक भागांत आज रात्री मेघगर्जनेसह पावसाची शक्यता: हवामान अंदाज
सध्या राज्यातील हवामानाचा आढावा घेतला असता, छत्रपती संभाजीनगर, जालना, परभणी, बीड, लातूर, धाराशिव, तसेच सोलापूर, पुणे, सांगली, सातारा, कोल्हापूर, रायगड, रत्नागिरी, सिंधुदुर्ग, ठाणे, पालघर आणि नाशिक या भागांत पावसाचे ढग जमलेले दिसून येत आहेत. धुळे, बुलढाणा, अमरावती, आणि अकोला जिल्ह्यांमध्ये देखील पावसाचे ढग दिसून येत आहेत. हे ढग पूर्वेकडून पश्चिमेकडे सरकत असल्याने आज रात्री आणि उद्या पहाटे राज्यातील अनेक भागांत पावसाची शक्यता आहे.
जिल्हानिहाय पावसाचा अंदाज
आज रात्री धुळे, नंदुरबार, नाशिक, जळगाव, नगर, छत्रपती संभाजीनगर, जालना, बीड, बुलढाणा, परभणी, हिंगोली, धाराशिव, लातूर, पुणे, सातारा, सांगली, कोल्हापूर या जिल्ह्यांमध्ये मेघगर्जनासह मध्यम ते मुसळधार पाऊस होण्याची शक्यता आहे.
हे पण वाचा:
लाडकी बहीण योजनेतून दिवाळी बोनस मिळणार का? जाणून घ्या सविस्तर माहिती Ladki Bahini Yojana Maharashtra
तसेच, मुंबई, ठाणे, पालघर, रायगड, रत्नागिरी, सिंधुदुर्ग, आणि गोवा या भागांत देखील मेघगर्जनेसह मध्यम ते मुसळधार पाऊस होण्याचा अंदाज वर्तवण्यात आला आहे.
अमरावती, नागपूर, भंडारा, गोंदिया, अकोला या भागांत रात्री मध्यम पावसाची शक्यता असून, उद्या पहाटेपर्यंत हा पाऊस जोरदार होण्याची शक्यता आहे.
सोलापूरच्या काही भागांमध्ये देखील आज रात्री मध्यम ते जोरदार पावसाचा अंदाज आहे.
हे पण वाचा:
शिधापत्रिका धारकांसाठी महत्त्वाची सूचना: केवायसी प्रक्रिया 31 ऑक्टोबरपर्यंत पूर्ण करा ration card big update
राज्यातील विविध तालुक्यांमध्ये आज रात्री पावसाची शक्यता: तालुका निहाय हवामान अंदाज
आज रात्री राज्यातील अनेक तालुक्यांमध्ये पावसाचा जोर वाढण्याची शक्यता हवामान विभागाने व्यक्त केली आहे. छत्रपती संभाजीनगर, जालना, वैजापूर, कन्नड, सिल्लोड, सोयगाव, चाळीसगाव, आणि भडगाव या तालुक्यांसह पाचोऱ्याच्या आसपास बऱ्यापैकी पावसाची शक्यता आहे.
उत्तर महाराष्ट्र आणि पश्चिम महाराष्ट्रातील पावसाचा अंदाज
सिंदखेडा, शिरूर, तसेच अकराणी, अक्कलकोवा, तळोदा, शहादा या भागांत रात्री पावसाची शक्यता वर्तवली गेली आहे. नाशिक, त्रिंबकेश्वर, दिंडोरी, सुरगाणा, येवला, सिन्नर, नांदगाव, मालेगाव या भागांतही पावसाचा अंदाज आहे. ठाणे, पालघर, मुंबई या सर्व भागांत पावसाची शक्यता बऱ्यापैकी आहे.
कोकण आणि पश्चिम महाराष्ट्रातील पावसाचे संकेत
रायगड, रत्नागिरी, सिंधुदुर्ग आणि गोवा या भागांत मुसळधार पावसाची शक्यता आहे. पुणे, दौंड, पुरंदर, बारामती, आणि फलटण, खंडाळा येथेही रात्री पावसाचा अंदाज आहे. भोर, वाई, महाबळेश्वर, पाटण, सातारा, जावळी या तालुक्यांतही पावसाची शक्यता आहे.
सांगली, कोल्हापूर आणि मराठवाड्यात पावसाची शक्यता
शिराळा, वाळवा, मिरज तसेच कोल्हापूरच्या पन्हाळा, शिरोळ, शाहूवाडी, गडहिंग्लज, बुधरगड या भागांतही आज रात्री पावसाची शक्यता आहे. लातूरच्या चाकूर, रेणापूर, तसेच धाराशिव जिल्ह्यांतील काही भागांत पावसाचा अंदाज आहे.
मराठवाडा आणि विदर्भातील पावसाचा अंदाज
बीडच्या गेवराई, माजलगाव, वडवणी, तसेच भोकर्डन, जाफराबाद, बदनापूर, जालना, अंबड या भागांत पावसाची शक्यता आहे. परभणी जिल्ह्यातही बऱ्याच भागांत पावसाचा अंदाज आहे.
बुलढाण्यात मोताळा, मेहेकर, देवळगाव राज्य, तसेच अमरावतीत वरुड, मोर्शी, धारणे, चिखलदरा या भागांत पावसाचा अंदाज आहे. सोलापूरच्या माळशिरस तालुक्याच्या पश्चिम भागांतही आज रात्री पावसाची शक्यता वर्तवण्यात आली आहे.
राज्यातील अनेक तालुक्यांत पावसाचे ढग जमले असून, आज रात्री पावसाचा जोर वाढण्याची शक्यता आहे.
उद्या राज्यातील अनेक भागांत मुसळधार पावसाची शक्यता:
हवामान विभागाच्या अंदाजानुसार उद्या मुंबई, ठाणे, पालघर, रायगड, पुणे, नाशिक, नगर, छत्रपती संभाजीनगर या जिल्ह्यांमध्ये मुसळधार ते अति मुसळधार पावसाची शक्यता आहे. या भागांमध्ये मेघगर्जनेसह पावसाचा जोर कायम राहील.
कोकण आणि पश्चिम महाराष्ट्रात पावसाचा अंदाज
नंदुरबार, जळगाव, जालना, सातारा, सांगली, कोल्हापूर, तसेच रत्नागिरी आणि सिंधुदुर्ग या भागांमध्ये मध्यम ते मुसळधार पावसाची शक्यता आहे. विशेषतः कोकण आणि पश्चिम महाराष्ट्रातील काही भागांमध्ये मेघगर्जनेसह पावसाचा जोर दिसून येईल.
इतर भागांत विखुरलेल्या स्वरूपात पाऊस
सोलापूर, धाराशिव, बीड, लातूर, परभणी, बुलढाणा, अकोला, अमरावती, वाशिम, हिंगोली, यवतमाळ, वर्धा, नागपूर, भंडारा, गोंदिया, गडचिरोली आणि चंद्रपूर या जिल्ह्यांमध्ये विखुरलेल्या स्वरूपात मध्यम ते जोरदार पावसाची शक्यता आहे. तथापि, या भागांमध्ये सार्वत्रिक पावसाची शक्यता दिसत नाही.
हवामान विभागाचा इशारा: पुणे आणि रायगड जिल्ह्यांसाठी अतिवृष्टीचा रेड अलर्ट
हवामान विभागाने दिलेल्या अंदाजानुसार, उद्या पुणे आणि रायगड जिल्ह्यांमध्ये मेघगर्जनेसह अतिवृष्टी होण्याची शक्यता असून, या भागांसाठी रेड अलर्ट जारी करण्यात आला आहे. याशिवाय, नाशिक, नगर, वाशिम, पालघर, मुंबई, ठाणे, रत्नागिरी, सिंधुदुर्ग या जिल्ह्यांत मुसळधार ते अतिमुसळधार पावसासाठी ऑरेंज अलर्ट जारी करण्यात आला आहे.
अन्य जिल्ह्यांमध्ये येलो अलर्ट
सातारा, कोल्हापूर, नंदुरबार, धुळे, जळगाव, छत्रपती संभाजीनगर, जालना, बुलढाणा, अकोला, अमरावती, यवतमाळ, हिंगोली, परभणी, आणि गडचिरोली या जिल्ह्यांमध्ये मुसळधार पावसासाठी येलो अलर्ट देण्यात आला आहे.
वर्धा, नागपूर, भंडारा, गोंदिया, चंद्रपूर, नांदेड, लातूर, धाराशिव, आणि बीड या जिल्ह्यांमध्ये मेघगर्जनेसह हलका ते मध्यम पावसाचा येलो अलर्ट आहे. तर सोलापूर मध्ये हलका ते मध्यम पाऊस होण्याची शक्यता आहे, आणि सांगली जिल्ह्यात हलक्या पावसाचा अंदाज आहे.
26 सप्टेंबरचा हवामान अंदाज
26 सप्टेंबरला राज्यातील पावसाचा जोर उत्तरेकडे सरकणार आहे. पालघर मध्ये अतिवृष्टीसाठी रेड अलर्ट, तर ठाणे आणि नाशिक जिल्ह्यांसाठी ऑरेंज अलर्ट जारी आहे. इतर भागांमध्ये नंदुरबार, धुळे, नगर, पुणे, सातारा, रायगड, रत्नागिरी, सिंधुदुर्ग, बुलढाणा यांसारख्या जिल्ह्यांत येलो अलर्ट जारी करण्यात आला आहे.
जळगाव, छत्रपती संभाजीनगर, जालना, वाशिम, अकोला, अमरावती, वर्धा, यवतमाळ, नागपूर, चंद्रपूर, भंडारा, गोंदिया, आणि गडचिरोली या जिल्ह्यांमध्ये मेघगर्जनेसह पावसाचा येलो अलर्ट आहे. तर परभणी, हिंगोली येथे हलका ते मध्यम पावसाची शक्यता आहे.
नांदेड, लातूर, बीड, धाराशिव, सोलापूर, सांगली, कोल्हापूर या जिल्ह्यांमध्ये क्वचित हलका ते मध्यम पाऊस होईल असा हवामान विभागाचा अंदाज आहे.
शासकीय माहिती आणि योजना WhatsApp ग्रुप⚡जॉईन करा!