फवारणी पंप राज्यातील कापूस आणि सोयाबीन उत्पादक शेतकऱ्यांसाठी महाराष्ट्र राज्य कृषी उद्योग विकास महामंडळाच्या माध्यमातून 100% अनुदानावर बॅटरी ऑपरेटेड फवार्‍यांचे वितरण सुरू आहे. कापूस आणि सोयाबीन मूल्य साखळी व उत्पादकता विकास कार्यक्रमांतर्गत या फवार्‍यांचे वितरण करण्यात येत आहे.
अर्ज प्रक्रिया, लॉटरी आणि वितरण
फवार्‍यांसाठी अर्ज प्रक्रिया सुरू झाल्यानंतर मुदतवाढ देण्यात आली होती, आणि पात्र शेतकऱ्यांसाठी लॉटरी काढून वितरण करण्यात आले आहे. मात्र, काही शेतकऱ्यांनी फवार्‍यांमध्ये तांत्रिक बिघाड तसेच सुट्टे पार्ट्स न मिळण्याबाबत तक्रारी केल्या आहेत.
नवीन पात्र शेतकऱ्यांना टोकन आणि प्रमाणपत्र वितरण
ज्या शेतकऱ्यांचे फवार्‍यांचे वितरण बाकी आहे किंवा जे नवीन पात्र ठरले आहेत, त्यांना कृषी विभागाकडून टोकनसह एक प्रमाणपत्र दिले जात आहे. फवार्‍यांचे वितरण करताना, शेतकऱ्यांनी फवारा आणि त्याचे सुट्टे पार्ट्स व्यवस्थित मिळाले असल्याचे लिखित स्वरूपात प्रमाणित करणे आवश्यक आहे. प्रमाणपत्रावर शेतकऱ्याचा सही किंवा अंगठा घेऊन ते टोकनसोबत जोडले जाणार आहे, ज्यामुळे फवार्‍यांचे वितरण व्यवस्थितपणे झाले असल्याचे खात्री होईल.
वितरणातील विलंब आणि सावधगिरीची खबरदारी
योजना ऑगस्ट 2024 मध्ये सुरू होणे अपेक्षित होते, मात्र सप्टेंबरच्या शेवटपर्यंत फवार्‍यांचे वितरण सुरू झाले आहे. फवार्‍यांबाबत काही तांत्रिक तक्रारी मिळाल्यामुळे, वितरण प्रक्रियेत सावधगिरी बाळगली जात आहे. शेतकऱ्यांनी टोकनसह प्रमाणपत्र सादर करून फवारे व्यवस्थित मिळाले असल्याची नोंद करणे आवश्यक आहे.
लॉटरीमध्ये निवड झालेल्या शेतकऱ्यांनी कृषी विभागाशी संपर्क साधावा
ज्या शेतकऱ्यांची लॉटरीद्वारे निवड झालेली आहे, त्यांनी आपल्या कृषी विभागाशी संपर्क साधावा. कृषी सहाय्यकांच्या माध्यमातून टोकन वाटप सुरू असून, शेतकरी आपल्या टोकनसह फवार्‍यांचे वितरण प्राप्त करू शकतात. प्रमाणपत्र सादर करणे बंधनकारक आहे.
शासकीय माहिती आणि योजना WhatsApp ग्रुप⚡जॉईन करा!