पश्चिमेकडून येणाऱ्या वाऱ्यांमुळे तापमानात घट
सध्या राज्यात अरबी समुद्रातून येणाऱ्या पश्चिमेकडील वाऱ्यांमुळे तापमानात थोडीशी घट जाणवली आहे. या वाऱ्यांमुळे वातावरणात थोडीशी गारवा निर्माण झाला असून काही भागांमध्ये स्थानिक पातळीवर ढग तयार होत आहेत. यामुळे निवडक भागांमध्ये हलकासा पाऊस होत आहे. मात्र राज्यभरात सध्या कोणतीही विशेष पावसाळी प्रणाली सक्रिय नाही.
विदर्भातील काही भागांत पावसाची शक्यता
आज सायंकाळपासून रात्रीपर्यंत जळगाव, जामोद, संग्रामपूर, अकोट, तेलहारा, अमरावती, अंजनगाव सुरजी, मोर्शी, चांदुर बाजार, वरुड आणि आष्टी या भागांमध्ये हलक्या स्वरूपाचा पाऊस होण्याची शक्यता हवामान खात्याने वर्तवली आहे. काही भागांमध्ये गारपीट झाल्याचेही समजते. हे ढग पूर्वेकडे सरकत असून नागपूर, भंडारा आणि गोंदिया या भागांमध्ये रात्री हलकासा पाऊस होऊ शकतो.
मराठवाडा आणि पश्चिम महाराष्ट्रातील काही भागांमध्ये ढगाळ वातावरण
बारामती, पारनेर, येवला, वैजापूर सीमेवरील काही भाग, श्रीगोंदा, कर्जत, फलटण, इंदापूर आणि डोंगररांगांच्या आसपासच्या भागांमध्ये हलक्या गडगडाटासह पावसाची शक्यता आहे. मात्र या भागांमध्ये मोठ्या प्रमाणावर पावसाची अपेक्षा नाही. स्थानिक ढगांची निर्मिती असून ते फक्त काही गावांपुरते मर्यादित आहेत.
उद्या राज्यात बहुतेक ठिकाणी कोरडे हवामान राहण्याची शक्यता
उद्याचा अंदाज पाहता, राज्यात मोठ्या प्रमाणावर पाऊस होण्याची शक्यता नाही. मात्र स्थानिक वातावरण अनुकूल झाल्यास नाशिक, अहिल्यानगर, पुणे, सातारा, तसेच जळगाव, बुलढाणा, अकोला, अमरावतीच्या उत्तर भागांमध्ये थोडाफार गडगडाटी पाऊस होऊ शकतो. विदर्भातील भंडारा, गोंदिया, चंद्रपूर, गडचिरोली या भागांमध्येही अशाच प्रकारची स्थिती राहू शकते. अन्यथा राज्यात कोरडे हवामान कायम राहील.
काही जिल्ह्यांना येलो अलर्ट; तापमानात घसरण, राज्यात काही ठिकाणी पावसाची शक्यता
तापमानात घसरण, वातावरणात गारवा
राज्यात सध्या पश्चिमेकडून वाहणाऱ्या थंड वाऱ्यांमुळे तापमानात थोडीशी घट नोंदवली जात आहे. काही ठिकाणी गारवा वाढला असून हवामानात बदल जाणवू लागले आहेत. त्यामुळे पुढील २४ तासांत काही भागांत गडगडाटी पावसाची शक्यता व्यक्त करण्यात आली आहे.
छत्रपती संभाजीनगरसह चार जिल्ह्यांना येलो अलर्ट
हवामान विभागाने छत्रपती संभाजीनगर, जालना, बीड आणि सोलापूर या जिल्ह्यांसाठी गडगडाटी पावसाचा येलो अलर्ट जारी केला आहे. या भागांमध्ये विजांच्या कडकडाटासह हलकासा पाऊस होण्याची शक्यता वर्तवण्यात आली आहे. स्थानिक वातावरणामुळे हे ढग काही काळासाठी सक्रिय राहण्याची शक्यता आहे.
मराठवाड्यातही हलक्या पावसाची शक्यता
अहिल्यानगर, सांगली, धाराशिव, लातूर, नांदेड, परभणी आणि हिंगोली या मराठवाड्यातील जिल्ह्यांमध्ये हलक्या पावसाचा आणि गर्जनेचा अंदाज हवामान विभागाने दिला आहे. याशिवाय उत्तर महाराष्ट्रातील जळगाव जिल्ह्यातही अशाच स्वरूपाच्या हवामानाचा अनुभव येण्याची शक्यता आहे.
उर्वरित राज्यात हवामान कोरडेच
राज्यातील उर्वरित भागांत कोणतीही विशेष हवामान प्रणाली सक्रिय नसल्याने तिथे हवामान कोरडे राहण्याची शक्यता वर्तवण्यात आली आहे. ढगाळ वातावरण, पावसाची शक्यता ही केवळ निवडक जिल्ह्यांपुरती मर्यादित आहे.
शासकीय माहिती आणि योजना WhatsApp ग्रुप⚡जॉईन करा!