राज्यातील राशन कार्ड धारकांसाठी महत्त्वाची अपडेट: ई-केवायसी अनिवार्य

राज्यातील गरजू व गरीब नागरिकांसाठी शासनाने रेशन कार्ड धारकांना एक महत्त्वाची सूचना दिली आहे. अन्नधान्य, गहू, तांदूळ आणि साखर यांसारख्या जीवनावश्यक वस्तूंचा पुरवठा नियमित ठेवण्यासाठी आता सर्व रेशन कार्ड धारकांनी ई-केवायसी प्रक्रिया पूर्ण करणे अनिवार्य ठरवले आहे.

ई-केवायसी न केल्यास रेशनवरती लाभ बंद होणार

राज्य शासनाने स्पष्ट केले आहे की, 31 डिसेंबर 2024 ही अंतिम तारीख आहे. या तारखेपर्यंत ई-केवायसी प्रक्रिया पूर्ण न केल्यास संबंधित नागरिकांचे रेशनवरचे लाभ थांबवले जातील. तसेच, शिधापत्रिकेवरील संबंधित व्यक्तींची नावेही कमी केली जाण्याची शक्यता आहे, ज्यामुळे त्यांना रेशनवरील कोणताही लाभ घेता येणार नाही.

यापूर्वीही देण्यात आले होते मुदतवाढीचे सवलत

शासनाने आधी देखील राशन कार्ड धारकांना ई-केवायसी पूर्ण करण्यासाठी 31 सप्टेंबर 2024 पर्यंत मुदतवाढ दिली होती.  यानंतर 30 नोव्हेंबर 2024 पर्यंत मुदतवाढ देण्यात आली  परंतु, रेशन कार्ड धारकांनी याकडे फारसे लक्ष दिले नाही. आता ही अंतिम मुदत 31 डिसेंबर 2024 पर्यंत वाढवण्यात आली आहे, आणि शासनाने आवाहन केले आहे की राशन कार्ड धारकांनी तात्काळ ही प्रक्रिया पूर्ण करावी.

हे पण वाचा:

सुप्रीम कोर्टाचा ईव्हीएम विरोधातील याचिकेला नकार

ई-केवायसी कसे करायचे?

ई-केवायसी प्रक्रिया पूर्ण करण्यासाठी नागरिकांनी जवळच्या रेशन दुकानाला भेट द्यावी. यावेळी, दुकानदार POS मशीनवर अंगठ्याची ओळख पडताळणार आहे. यशस्वी पडताळणी झाल्यानंतर ई-केवायसी प्रक्रिया पूर्ण मानली जाईल.

रेशन सेवांमध्ये पारदर्शकता वाढवण्याचा उद्देश

शासनाच्या या योजनेचा उद्देश आहे की रेशन सेवा अधिक पारदर्शक बनवावी आणि गरजूंपर्यंत या सेवेचा लाभ व्यवस्थित पोहोचावा.

हे पण वाचा:

देशातील आजचे कापूस बाजार भाव Cotton rate 26 नोव्हेंबर 2024