9 डिसेंबर 2024 रोजी हरियाणातील पानिपत येथून पंतप्रधान नरेंद्र मोदी यांच्या हस्ते विमा सखी योजना प्रारंभ करण्यात आली आहे. ही योजना विशेषतः दहावी पास महिलांसाठी तयार करण्यात आली असून, त्यांना घरबसल्या रोजगाराची संधी देण्यात येणार आहे. या योजनेच्या माध्यमातून महिलांना एलआयसीमार्फत प्रशिक्षण देऊन आणि त्यांना विमा एजंट म्हणून काम करण्याची संधी उपलब्ध होईल.
विमा सखी योजनेचे प्रशिक्षण आणि स्टायपंड
विमा सखी योजनेअंतर्गत महिलांना तीन वर्षांचे प्रशिक्षण दिले जाणार आहे. या प्रशिक्षण काळात त्यांना मासिक स्टायपंड मिळेल:
- पहिल्या वर्षासाठी: ₹7000 प्रति महिना
- दुसऱ्या वर्षासाठी: ₹6000 प्रति महिना
- तिसऱ्या वर्षासाठी: ₹5000 प्रति महिना
प्रशिक्षणादरम्यान महिलांना विम्याचे महत्त्व समजावणे, विमा पॉलिसी काढण्यासाठी प्रोत्साहन देणे आणि विम्याशी संबंधित इतर कामे करावी लागतील.
विमा एजंट म्हणून भविष्यातील संधी
तीन वर्षांच्या प्रशिक्षणानंतर महिलांना एलआयसी एजंट म्हणून नियुक्त करण्यात येईल. त्यांनी तयार केलेल्या विमा पॉलिसीच्या आधारे त्यांना कमिशन दिले जाईल.
योजनेचे पात्रता निकष
- शैक्षणिक पात्रता: किमान दहावी पास
- वय: 18 ते 70 वर्षे
या वयोगटातील महिला या योजनेसाठी अर्ज करू शकतात.
महिला लाभार्थ्यांसाठी ऑनलाइन अर्ज प्रक्रिया
विमा सखी योजनेसाठी ऑनलाइन अर्ज करण्यासाठी एक संकेतस्थळ लॉन्च करण्यात आले आहे. अर्जदार महिलांना त्यांचे नाव, जन्मतारीख, मोबाईल नंबर, ईमेल आयडी, पत्ता, तसेच आवश्यक कागदपत्रे (जसे दहावी पास प्रमाणपत्र) अपलोड करून अर्ज सादर करावा लागेल.
पहिल्या टप्प्यात 35,000 महिलांची भरती
योजनेच्या पहिल्या टप्प्यात हरियाणातून 35,000 महिलांची भरती केली जाईल. दुसऱ्या टप्प्यात आणखी 50,000 महिलांना समाविष्ट केले जाईल. योजनेचे अंतिम उद्दिष्ट दोन लाख विमा सखींची भरती करणे आहे.
योजनेचा देशभर विस्तार
सध्या ही योजना हरियाणामध्ये सुरू करण्यात आली असून, लवकरच याचा देशभर विस्तार केला जाईल. महाराष्ट्रातही लवकरच या योजनेअंतर्गत भरती प्रक्रिया सुरू होईल.
महिला सशक्तीकरणासाठी ऐतिहासिक पाऊल
विमा सखी योजना महिलांना आर्थिकदृष्ट्या सक्षम बनवण्यासाठी आणि रोजगाराच्या नव्या संधी देण्यासाठी एक ऐतिहासिक उपक्रम ठरणार आहे. योजनेच्या पुढील अपडेट्स वेळोवेळी जाहीर केले जातील.
धन्यवाद!
शासकीय माहिती आणि योजना WhatsApp ग्रुप⚡जॉईन करा!