महाराष्ट्रातील हवामान अंदाजात बदल; कमी पावसाची शक्यता – डॉ. रामचंद्र साबळे

पावसाचा अंदाज

भारतीय हवामान शास्त्र विभागाने महाराष्ट्रातील पावसाच्या अंदाजात काही बदल केले आहेत. ज्येष्ठ हवामानतज्ञ डॉ. रामचंद्र साबळे यांच्या मते, महाराष्ट्रावर सध्या 1010 हेप्टापास्कल इतका हवेचा दाब वाढत असून, हा दाब 9 नोव्हेंबरपर्यंत कायम राहणार आहे. त्यामुळे आगामी काही दिवसांत राज्यात फारसा पाऊस होणार नाही. मराठवाड्यातील धाराशिव, लातूर, नांदेड येथे अत्यल्प पावसाची म्हणजे 0.1 मिलीमीटर पावसाची शक्यता आहे. कोकणातील सिंधुदुर्ग, रत्नागिरी, रायगड या जिल्ह्यांत 3 ते 5 मिलीमीटर पावसाचा अंदाज आहे, जो या शनिवारपर्यंत राहील.

पश्चिम महाराष्ट्रातील हवामान

पश्चिम आणि दक्षिण-पश्चिम महाराष्ट्रातील कोल्हापूर, सांगली, सातारा, सोलापूर आणि पुणे या जिल्ह्यांत पावसाचा अंदाज कमी आहे. कोल्हापूर येथे 3 ते 12 मिलीमीटर, सांगलीला 1 मिलीमीटर, साताऱ्यात 2 ते 3 मिलीमीटर, सोलापूरला 0.3 मिलीमीटर, तर पुण्यात 0.1 मिलीमीटर पावसाची शक्यता आहे. त्यामुळे या भागांतदेखील पाऊस फारसा अपेक्षित नाही.

पावसाच्या उघडीपाचा फायदा – डॉ. साबळे

कापूस व सोयाबीन उत्पादक शेतकऱ्यांना पावसामुळे नुकतेच नुकसान झाले आहे, त्यामुळे हा उघडीपाचा काळ त्यांच्या दृष्टीने उपयुक्त ठरू शकतो. डॉ. साबळे यांनी शेतकऱ्यांना शेतातील कामांना वेग देण्याचा सल्ला दिला आहे. त्यानुसार, ऑक्टोबर महिना संपता आला असताना 15 नोव्हेंबरपर्यंत पूर्व हंगामी ऊसाची लागवड करता येईल. तसेच, हरभरा व गहू या पिकांची पेरणीदेखील उरकता येईल.

हे पण वाचा:

महाराष्ट्रात हलक्या पावसाचे अनुमान – पुढील दोन दिवस पाऊस सक्रिय राहण्याची शक्यता hawamaan andaaz

हिवाळ्याचा अंदाज

डॉ. साबळे यांच्या मतानुसार, महाराष्ट्रात थंडीची सुरुवात ऑक्टोबरच्या अखेरीस झाली असून, किमान तापमान 21 अंश सेल्सिअसपर्यंत घसरले आहे. पुढील अंदाजानुसार, पंधरा नोव्हेंबरपर्यंत थंडी सौम्य राहील. पंधरा नोव्हेंबर ते पंधरा डिसेंबरदरम्यान थंडीत वाढ होईल, तर पंधरा डिसेंबर ते पंधरा जानेवारी या काळात अतिथंडी राहील. पंधरा जानेवारी ते पंधरा फेब्रुवारीदरम्यान पुन्हा मध्यम स्वरूपाची थंडी जाणवेल.

शेतीविषयक सल्ला – डॉ. साबळे

ज्या शेतकऱ्यांना दोन वेळा पाणी देणे शक्य आहे त्यांनी हरभऱ्याची पेरणी करावी. तसेच, ज्या भागात पाच वेळा पाणी देणे शक्य आहे, तिथे गव्हाची पेरणी करावी. पाऊस कमी असण्याचा या काळात शेतीच्या कामांना फायदा होईल, असा डॉ. साबळे यांनी सल्ला दिला आहे.

हे पण वाचा:

NEW आजचे टोमॅटो बाजार भाव 30 ऑक्टोबर 2024 tomato rate