मोदींच्या आज तीन सभांचा कार्यक्रम
विधानसभा निवडणुकीच्या पार्श्वभूमीवर पंतप्रधान नरेंद्र मोदी यांच्या चिमूर, सोलापूर आणि पुणे या ठिकाणी आज तीन महत्त्वाच्या सभा होणार आहेत. सकाळी 11 वाजता चिमूर, दुपारी 3 वाजता सोलापूर, आणि संध्याकाळी 6 वाजता पुणे येथे सभा होईल. भाजपच्या महायुतीच्या वतीने या सभा आयोजित करण्यात आल्या आहेत.
पंढरपूरमध्ये आज कार्तिकी वारीचा मुख्य सोहळा
पंढरपुरातील श्री विठ्ठल रुक्मिणी मंदिरात आज कार्तिकी वारीचा मुख्य सोहळा आहे. राज्यातील विविध भागातून तीन लाखांहून अधिक वारकरी पंढरीत दाखल झाले आहेत. टाळ-मृदंगाच्या गजरात हरिनामाचा जयघोष करत वारकऱ्यांनी पंढरी गाजवली आहे.
बंगालच्या उपसागरात चक्रकार वारे; 14 नोव्हेंबरपासून राज्यात पावसाचा इशारा
बंगालच्या उपसागरात चक्राकार वाऱ्यांचा प्रभाव वाढल्यामुळे राज्यात ढगाळ वातावरण निर्माण होणार आहे. 14 नोव्हेंबरपासून दक्षिण भागात पावसाच्या सरींचा इशारा हवामान विभागाने दिला आहे.
हे पण वाचा:
महाराष्ट्रात थंडीचा जोर वाढला; उत्तर महाराष्ट्रात गारठा, दक्षिण भागात कमी थंडीचा अंदाज hawamaan andaaz
डीएपी खताचा तुटवडा; केंद्राकडे राज्याचे साकडे
रब्बी हंगामाच्या तोंडावर शेतकऱ्यांना डीएपी खताचा पुरवठा मिळत नसल्याने राज्य कृषी विभागाने केंद्र सरकारकडे याबाबत मागणी केली आहे. विस्कळीत नियोजनामुळे शेतकऱ्यांना खत उपलब्धतेसाठी अडचणी येत आहेत.
खराब हवामानामुळे तुर पिकाला कीड आणि बुरशीचा प्रादुर्भाव
खरिपातील सोयाबीन काढणीनंतर तुर पिक फुलोरा अवस्थेत आहे, मात्र खराब हवामानामुळे तुर पिकावर कीड आणि बुरशीजन्य रोगांचा प्रादुर्भाव झाला आहे. यामुळे शेतकऱ्यांना फवारणीसाठी अतिरिक्त खर्च करावा लागणार आहे.
मका दरातील घसरण; शेतकऱ्यांची विक्रीसाठी घाई
मका दरात घसरण होत असल्याने शेतकऱ्यांकडून विक्रीला गती मिळाली आहे. आचलपूर बाजार समितीत मोठ्या प्रमाणात मका विक्री होत असून, दररोज सरासरी 10 ते 15 हजार पोत्यांची आवक होत आहे.
उत्तर महाराष्ट्रात तापमानात घट, दक्षिण भागात पावसाला पोषक वातावरण
उत्तर महाराष्ट्रात तापमान घटले असून, निफाड येथे 12.2 अंश सेल्सिअस तापमानाची नोंद झाली आहे. याचवेळी दक्षिण भागात पावसासाठी अनुकूल वातावरण तयार होत आहे.
सोयाबीनला 6 हजार रुपये हमीभावाची घोषणा
केंद्रीय गृहमंत्री अमित शहा यांनी मुंबईत सोयाबीन उत्पादक शेतकऱ्यांसाठी 6 हजार रुपये हमीभाव देण्याची घोषणा केली आहे. यामुळे शेतकऱ्यांना मोठा दिलासा मिळणार आहे.
हवामान अपडेट: पुढील 48 तासांत दक्षिण भागात पावसाची शक्यता
बंगालच्या उपसागरात निर्माण झालेल्या चक्रकार वाऱ्यामुळे पुढील 48 तासांत राज्याच्या दक्षिण भागात पावसाला पोषक वातावरण निर्माण होईल. इतर भागात ढगाळ वातावरण राहणार असल्याची माहिती हवामान विभागाने दिली आहे.
आपल्या मोबाईलवर मिळवा शासकीय योजना आणि बाजार भाव माहिती
कृषी बाजार भाव, पिक विमा, नुकसान भरपाई, तसेच शासकीय योजनांची माहिती आपल्या मोबाईलवर मिळवण्यासाठी व्हाट्सअपद्वारे आपल्या ग्रुपमध्ये सामील व्हा.
शासकीय माहिती आणि योजना WhatsApp ग्रुप⚡जॉईन करा!