आज 24 सप्टेंबर सकाळी 9:30 वाजता राज्यातील हवामानाचा आढावा घेतला असता, बंगालच्या उपसागरात चक्रकार प्रणाली कायम आहे, मात्र अजूनही कमी दाबाचे क्षेत्र विकसित झालेले नाही. तरीही या प्रणालीच्या प्रभावाखाली राज्यात पावसाचा जोर वाढलेला आहे. काही ठिकाणी, विशेषतः कोकण किनारपट्टी आणि नाशिक, पुणे, सातारा आणि सोलापूरच्या काही भागांत रात्री जोरदार पाऊस झाला आहे.
सकाळची पावसाची स्थिती
सकाळी सॅटेलाईट इमेजनुसार, वर्धा, नागपूर, यवतमाळ, चंद्रपूर, गोंदिया, गडचिरोली आणि भंडारा जिल्ह्यांत हलक्या ते मध्यम पावसाचे ढग आहेत, काही ठिकाणी जोरदार पावसाचेही ढग दिसत आहेत. तसेच, सिंधुदुर्ग आणि गोवा भागांत मुसळधार पावसाचे ढग पाहायला मिळत आहेत. मुंबई, ठाणे, पालघर, रायगड या भागांमध्येही ढगाळ वातावरण असून रात्री गडगडाटासह जोरदार पावसाची नोंद झाली आहे.
येत्या 24 तासांसाठी हवामान अंदाज
रत्नागिरी, सिंधुदुर्ग आणि गोवा या भागांमध्ये मुसळधार ते अतिमुसळधार पाऊस होण्याची शक्यता आहे. मुंबई, ठाणे, पालघर, पुणे, नगर, नाशिक, सातारा, सांगली, कोल्हापूर, सोलापूर, धाराशिव, बीड, लातूर, छत्रपती संभाजीनगर, नागपूर, अमरावती, यवतमाळ, चंद्रपूर, भंडारा, गोंदिया, गडचिरोली या भागांमध्ये विखुरलेल्या स्वरूपात मध्यम ते मुसळधार पाऊस होण्याचा अंदाज आहे.
तसेच, नंदुरबार, धुळे, जळगाव, बुलढाणा, अकोला, वाशिम, जालना, छत्रपती संभाजीनगरच्या उत्तरेकडील भाग, परभणी, हिंगोली, नांदेड, पश्चिम अमरावती या भागांत गडगडाटासह मध्यम ते जोरदार पाऊस होण्याची शक्यता आहे. काही ठिकाणी हवामान कोरडेही राहण्याची शक्यता आहे.
शासकीय माहिती आणि योजना WhatsApp ग्रुप⚡जॉईन करा!