पेमेंट केल्याने सोलर मंजूर झाला असे समजू नका; अर्जाची छाननी होणार
मागेल त्याला सौर कृषी पंप या योजनेअंतर्गत अर्ज करणाऱ्या शेतकऱ्यांसाठी सध्या पेमेंटचे पर्याय उपलब्ध आहेत. अनेक शेतकरी या पेमेंट पर्यायामुळे गोंधळलेले आहेत, कारण त्यांना वाटते की पेमेंट केल्यावर त्यांचा सोलर पंप मंजूर होईल. त्यामुळे काही शेतकऱ्यांनी घाईगडबडीत पेमेंट पूर्ण केले आहे, तर काही शेतकरी अजूनही पेमेंट करण्यास संभ्रमात आहेत.
अर्जाच्या पूर्णतेसाठीच पेमेंट आवश्यक, मंजुरीसाठी नाही
मित्रांनो, महत्वाचे म्हणजे योजनेअंतर्गत उपलब्ध असलेल्या पेमेंट पर्यायाचा अर्थ हा नाही की अर्ज मंजूर झाला आहे. पेमेंट प्रक्रिया पूर्ण केल्यानेच अर्ज ग्राह्य धरला जाईल आणि कंप्लीट समजला जाईल. कुसुम महाऊर्जा योजनेप्रमाणेच या योजनेत शेतकऱ्यांच्या अर्जाची पडताळणी केली जाईल.
पात्रता पडताळणी पूर्ण झाल्यानंतरच सोलर मंजुरी
ज्या शेतकऱ्यांनी पेमेंट केले आहे, त्यांच्या अर्जाची सखोल छाननी होणार आहे. अर्जाची पडताळणी करून, शेतकरी पात्र आहे की नाही हे ठरवले जाईल. जर अर्ज मंजूर झाला, तर त्याला सोलर पंप वाटप केले जाईल. परंतु जर अर्ज नामंजूर झाला, तर शेतकऱ्यांचे पेमेंट त्यांना रिफंड करण्यात येईल.
अर्ज मंजुरीसाठी योग्य ती प्रक्रिया
शेतकऱ्यांनी लक्षात ठेवावे की पेमेंट केल्याने अर्जाची पूर्णता होते, मंजुरी नाही. योजनेसाठी पात्रता ठरवण्यासाठी अर्जाची योग्य छाननी होणार असून, अंतिम मंजुरीसाठी थोडा वेळ लागू शकतो.
मागेल त्याला सौर पंप योजनेसाठी पेमेंट केल्याने अर्ज मंजूर असे समजू नका; कुसुम योजनेतील सोलार असलेल्या शेतकऱ्यांसाठी सूचना
कुसुम योजनेत सोलार घेतलेल्यांना पुन्हा पेमेंट पर्याय; सावधगिरीने निर्णय घ्यावा
काही शेतकऱ्यांनी कुसुम योजनेअंतर्गत सोलार घेतल्यानंतर पुन्हा पेमेंटचा पर्याय आल्याची माहिती दिली आहे. या परिस्थितीत शेतकऱ्यांनी लगेच पेमेंट करू नये, विशेषत: जर त्याच गट क्रमांकावर अर्ज भरलेला असेल. यामुळे तुमचे पैसे काही महिन्यांसाठी अडकून राहण्याची शक्यता आहे, त्यामुळे अशा शेतकऱ्यांनी मागेल त्याला सौर पंप योजनेसाठी पेमेंट करू नये.
अर्जात चुका असलेल्या शेतकऱ्यांसाठी सुधारण्याची संधी उपलब्ध
अनेक शेतकऱ्यांच्या अर्जात काही त्रुटी आढळल्या आहेत, जसे की शेतावर विहीर नोंदवलेली नसणे. अशा शेतकऱ्यांनी अर्जात दुरुस्ती करण्याची संधी मिळू शकते. पेमेंट केल्यानंतर अर्ज मंजुरीच्या वेळेपर्यंत तुम्ही तुमच्या सातबारा वरती विहीर किंवा बोरवेल नोंदवू शकता किंवा मंजूरीनंतर महावितरण कार्यालयात जाऊन अर्जातील त्रुटी सुधारून घेता येतील, त्यामुळे योजनेचा लाभ मिळू शकेल.
हे पण वाचा:
लाडकी बहीण योजनेबाबत आनंदाची बातमी
पेमेंट केल्याने अर्ज मंजूरीचे आश्वासन नाही; तपासणीसाठी प्रतीक्षा आवश्यक
शेतकऱ्यांनी लक्षात ठेवावे की पेमेंट केल्याने अर्ज मंजूर झाला असे समजू नये. निवडणूक आचारसंहिता संपल्यानंतर अर्जांची तपासणी केली जाईल आणि त्यानंतरच मंजुरीची प्रक्रिया होईल. ज्या अर्जांची मंजुरी होणार नाही, त्यांना पेमेंट परतफेड करण्यात येईल.
शेतकरी मित्रांनो, तुमच्याकडून मिळालेल्या प्रतिक्रिया आम्हाला कमेंट बॉक्समध्ये जरूर सांगा.
शासकीय माहिती आणि योजना WhatsApp ग्रुप⚡जॉईन करा!