खरीप हंगाम 2024 पीक विमा आणि अतिवृष्टी नुकसान भरपाई अपडेट

अतिवृष्टीमुळे नुकसानग्रस्त शेती

खरीप हंगाम 2024 मध्ये महाराष्ट्रातील विविध भागांत झालेल्या अतिवृष्टी आणि पूर परिस्थितीमुळे शेतकऱ्यांच्या पिकांचे मोठ्या प्रमाणावर नुकसान झाले. या संदर्भात नांदेड, हिंगोली, यवतमाळ, आणि परभणी जिल्ह्यांमध्ये जिल्हाधिकारी कार्यालयांनी पीक विमासाठी अधिसूचना जारी केली होती.

नुकसान भरपाईची प्रक्रिया सुरू

जून ते सप्टेंबर या कालावधीत अतिवृष्टीमुळे नुकसान झालेल्या भागांमध्ये पंचनामे पूर्ण करून त्यांचे प्रस्ताव शासनाला पाठवण्यात आले. विधानसभेच्या निवडणुकीपूर्वीच हे प्रस्ताव मंजूर करण्यात आले होते. निवडणुकीच्या आचारसंहितेमुळे पीक विमा आणि नुकसान भरपाईची प्रक्रिया ठप्प झाली होती, पण आता ती पुन्हा सुरू झाली आहे. ज्या शेतकऱ्यांची यादी प्रकाशित झाली आहे, त्यांची केवायसी प्रक्रिया सुरू असून, 5 डिसेंबरपासून नुकसान भरपाईची रक्कम खात्यात जमा होण्याची शक्यता आहे.

हिंगोली आणि परभणी जिल्ह्यांत मोठे अनुदान

हिंगोली जिल्ह्यात सुमारे 500 कोटींची नुकसान भरपाई मंजूर करण्यात आली असून, काही शेतकऱ्यांना आधीच रक्कम वितरित करण्यात आली आहे. परभणी जिल्ह्यात 2 डिसेंबरपासून पीक विमा वितरण सुरू होणार आहे. उर्वरित तीन जिल्ह्यांमध्येही पुढील आठवड्यात वाटप सुरू होण्याची शक्यता आहे.

हे पण वाचा:

राज्य सरकारकडून लाडकी बहीण योजना पुरवणी मागणी १४०० कोटींची विशेष तरतू

इतर जिल्ह्यांतील स्थिती

अतिवृष्टीमुळे बाधित झालेले जळगाव, धुळे, धाराशिव, सोलापूर आणि इतर जिल्ह्यांमधील प्रस्ताव अद्याप मंजुरीसाठी प्रतीक्षेत आहेत. यापूर्वी 26 जिल्ह्यांचे जीआर निर्गमित करण्यात आले आहेत. ज्या शेतकऱ्यांची नावे या याद्यांमध्ये आहेत, त्यांनी केवायसी प्रक्रिया पूर्ण करावी, जेणेकरून त्यांना अनुदान मिळेल.

क्लेम कॅल्क्युलेशनची प्रक्रिया

पीक विम्यासाठी शेतकऱ्यांनी केलेले वैयक्तिक क्लेम जानेवारी 2024 पासून कॅल्क्युलेट केले जातील. क्लेम मंजूर झाल्यानंतर त्याची रक्कम शेतकऱ्यांच्या खात्यात जमा केली जाईल. या प्रक्रियेसाठी जानेवारी ते फेब्रुवारी महिन्यांचा कालावधी लागू शकतो.

पुढील अपडेट्स

शासनाकडून नवीन जीआर निर्गमित होताच, संबंधित जिल्ह्यांतील शेतकऱ्यांना याची माहिती दिली जाईल. तसेच, पीक विमा आणि नुकसान भरपाईबाबतची अधिकृत माहिती वेळोवेळी दिली जाईल.

हे पण वाचा:

लाडकी बहीण योजनेबाबत आनंदाची बातमी