बंगालच्या उपसागरात कमी दाबाचे क्षेत्र सक्रिय राज्यात कसा राहील पाऊस – हवामान अंदाज

विदर्भ, मराठवाडा आणि मध्य महाराष्ट्रात थंडीचा जोर हवामान अंदाज

राज्यातील हवामानात थंडी टिकून आहे. विदर्भातील भंडारा, गोंदिया, तसेच जळगाव, छत्रपती संभाजीनगर, अहिल्यानगर, नाशिक, आणि पुणे येथे चांगल्या थंडीत गारवा जाणवतो. याशिवाय विदर्भाचे उर्वरित भाग, मराठवाडा, आणि मध्य महाराष्ट्रातही थंडीचा जोर कायम आहे. कोकणातही तापमान घटल्याचे दिसत आहे. तापमान सरासरीच्या तुलनेत कमी असून थंडी अधिक जाणवत आहे.

बंगालच्या उपसागरात कमी दाबाचे क्षेत्र सक्रिय

बंगालच्या दक्षिण-पूर्व भागात कमी दाबाचे क्षेत्र 23 नोव्हेंबरपासून सक्रिय झाले आहे. हे क्षेत्र पुढील दोन दिवसांत उत्तर-पश्चिम दिशेने सरकण्याची शक्यता आहे. श्रीलंका किंवा तमिळनाडू किनारपट्टीकडे या कमी दाबाच्या क्षेत्राचे रूपांतर डिप्रेशनमध्ये होण्याचा अंदाज आहे. या सिस्टीममुळे बंगालच्या उपसागरात ढगांची दाटी वाढलेली आहे. तमिळनाडूला धडक दिल्यानंतर या सिस्टीमचा उर्वरित भाग राज्यात पाऊस आणेल का, याबाबत पुढील अंदाज स्पष्ट करतील.

राज्यात पावसाची शक्यता नाही

सध्या राज्यातील वातावरण पावसासाठी अनुकूल नाही. रात्री किंवा उद्याही राज्यात कुठेही पावसाची शक्यता नाही. थंडी मात्र कायम राहील. नाशिक, अहिल्यानगर, पुणे, सोलापूरचा उत्तर भाग, सातारा, छत्रपती संभाजीनगर, जळगाव, भंडारा, आणि गोंदियाचे काही भाग येथे तापमान 12 ते 14 अंश सेल्सिअस दरम्यान राहण्याची शक्यता आहे.

हे पण वाचा:

5.8 कोटी बनावट रेशन कार्ड रद्द: डिजिटायझेशनमुळे सार्वजनिक वितरण व्यवस्थेत क्रांती

कोकणात आणि इतर भागांतील तापमान

कोकणातील किनारपट्टीच्या भागांमध्ये तापमान 18 ते 20 अंश सेल्सिअस राहील, तर अंतर्गत भागांमध्ये 14 ते 16 अंश सेल्सिअस तापमान राहण्याची शक्यता आहे. मध्य महाराष्ट्र, मराठवाडा आणि विदर्भातील भागांमध्ये तापमान 14 ते 16 अंश सेल्सिअस दरम्यान राहण्याचा अंदाज आहे.

पुढील दोन दिवसांत थंडी थोडी कमी होण्याची शक्यता

कमी दाबाच्या क्षेत्राच्या प्रभावामुळे राज्यातील वाऱ्यांची स्थिती बदलण्याची शक्यता आहे. त्यामुळे येत्या एक-दोन दिवसांत थोड्याफार प्रमाणात थंडी कमी होऊ शकते. यासंबंधीचे सविस्तर अपडेट्स उद्याच्या साप्ताहिक हवामान अंदाजात दिले जातील.

हे पण वाचा:

राज्यातील शेतकऱ्यांसाठी आजच्या 15 ठळक बातम्या