हवामान अंदाज आज 25 सप्टेंबर सकाळी 9:30 वाजताच्या सुमारास राज्यातील हवामानाचा अंदाज घेतला असता, येत्या 24 तासांत राज्यात मुसळधार पावसाची शक्यता वर्तवण्यात आली आहे. ओडिशाच्या किनारपट्टीवर कमी दाबाचे क्षेत्र सक्रिय झाले असून, त्याचा परिणाम राज्यात पावसावर होत आहे. ईस्ट-वेस्ट विंड झोन सुद्धा राज्याच्या जवळून जात असल्यामुळे पावसासाठी वातावरण अनुकूल झाले आहे.
सकाळचे ढगाळ वातावरण
सकाळी बुलढाणा, जळगाव, धुळे, तसेच बीड, धाराशिव, परभणी, छत्रपती संभाजीनगर, आणि जालना या भागांत ढगाळ वातावरण होते. गडचिरोली आणि चंद्रपूर जिल्ह्यांच्या काही भागांतही पावसाचे ढग दाटलेले होते. याशिवाय, रत्नागिरी आणि कोकण किनारपट्टीसह अरबी समुद्रात जोरदार पावसाचे ढग निर्माण झाले आहेत.
जिल्हानिहाय पावसाचा अंदाज
येणाऱ्या 24 तासांत मुंबई, ठाणे, पालघर, रायगड, रत्नागिरी, सिंधुदुर्ग या भागांत मुसळधार ते अति मुसळधार पावसाची शक्यता आहे. याशिवाय, नाशिक, धुळे, नंदुरबार, जळगाव, छत्रपती संभाजीनगर, अहमदनगर, पुणे, सातारा या भागांतही मुसळधार पाऊस होण्याची शक्यता आहे.
तर कोल्हापूर, सांगली, सोलापूर, धाराशिव, लातूर, नांदेड, परभणी, हिंगोली, बुलढाणा, अकोला, अमरावती, जालना, बीड या भागांत मध्यम ते जोरदार पाऊस होण्याची शक्यता आहे.
नागपूर, भंडारा, गोंदिया, गडचिरोली, चंद्रपूर, यवतमाळ, अमरावती या भागांत हलका ते मध्यम स्वरूपाचा पाऊस मेघगर्जनेसह पडण्याची शक्यता आहे.
शासकीय माहिती आणि योजना WhatsApp ग्रुप⚡जॉईन करा!