आज 18 नोव्हेंबर 2024, सोमवार. बाजारभाव, विधानसभा निवडणूक, शासकीय योजना, आणि हवामान अंदाजासंदर्भातील महत्त्वाच्या बातम्या.
सोयाबीनचा मुद्दा ठरला विधानसभा निवडणुकीचा केंद्रबिंदू
राज्यातील विधानसभा निवडणुकीचे वातावरण सध्या सोयाबीनच्या प्रश्नाभोवती फिरत आहे. केंद्र सरकारने सोयाबीनला 6,000 रुपये हमीभाव जाहीर केला असला, तरी बाजारात सध्या 3,000 ते 3,500 रुपयांपर्यंत दर मिळत असल्याने शेतकरी अडचणीत आहेत.
यशोमती ठाकूर यांनी सरकार येताच सोयाबीनला 7,000 रुपयांचा हमीभाव देण्याचे आश्वासन दिले आहे. यावर देवेंद्र फडणवीस यांनी टीका करत कर्नाटकमध्येही दर कमी असल्याचे सांगितले. या मुद्द्यामुळे मतदारसंघात मोठी चर्चा सुरू आहे.
रब्बी हंगाम 2023 पिक विम्याचे वितरण कधी?
रब्बी हंगाम 2023 साठी मंजूर करण्यात आलेल्या पीक विमा योजनेतील 641 कोटींपैकी 404 कोटी रुपयांचे वाटप झाले आहे, मात्र 237 कोटी रुपयांची रक्कम अद्याप शेतकऱ्यांच्या खात्यात वर्ग करण्यात आलेली नाही.
आचारसंहिता संपल्यानंतर उर्वरित रक्कम लवकर वितरित होईल, अशी अपेक्षा कृषी विभागाने व्यक्त केली आहे. अनेक शेतकरी या रकमेची आतुरतेने वाट पाहत आहेत.
निवडणुकीच्या प्रचाराचा आज शेवटचा दिवस
आज विधानसभा निवडणुकीच्या प्रचाराचा अंतिम दिवस आहे. संध्याकाळी सहा वाजता प्रचार संपणार असून, उमेदवारांना मतदारांशी थेट संवाद साधण्यासाठी शेवटची संधी आहे.
मुख्यमंत्री एकनाथ शिंदे, उद्धव ठाकरे, देवेंद्र फडणवीस, शरद पवार, आणि प्रकाश आंबेडकर यांच्यासह मोठे नेते शेवटच्या क्षणी प्रचारसभांमध्ये सहभागी होत आहेत. 20 नोव्हेंबरला मतदान होणार असून, 23 नोव्हेंबरला निकाल लागणार आहे.
हिमालयावर बर्फवृष्टी, राज्यात थंडी वाढण्याचा अंदाज
हिमालयावर बर्फवृष्टी सुरू झाल्याने थंड वारे राज्यात येण्यास सुरुवात झाली आहे. बंगालच्या उपसागरातील वारे दक्षिण भारतापुरते मर्यादित राहिल्यामुळे महाराष्ट्रातील तापमानात घट होणार आहे. विदर्भ आणि उत्तर महाराष्ट्रात थंडीचा जोर वाढण्याची शक्यता आहे.
सोयाबीनच्या दरात सुधारणा, ओलाव्याचे निकष बदलले
शासनाने सोयाबीनसाठी ओलाव्याचा निकष 12 वरून 15% केला आहे. यामुळे बाजारात दरात 200 ते 300 रुपयांची वाढ झाली आहे. सध्या सोयाबीनचा दर प्रति क्विंटल 4,000 ते 4,300 रुपयांच्या दरम्यान आहे. अद्यापही शेतकऱ्यांना हमीभाव मिळत नसल्याची खंत आहे.
कांदा शेतकऱ्यांसाठी धोरणे आवश्यक: नितीन गडकरी
केंद्रीय मंत्री नितीन गडकरी यांनी कांदा उत्पादक शेतकऱ्यांच्या बाजूने ठोस धोरणे राबवण्याची गरज व्यक्त केली आहे. सटाणा येथे प्रचारसभेत त्यांनी सांगितले की शेतकऱ्यांचे प्रश्न सोडवण्यासाठी धोरणात्मक बदल अपरिहार्य आहेत.
राज्यात गारठा वाढणार, तापमानात घट होण्याची शक्यता
उत्तर महाराष्ट्र आणि विदर्भात किमान तापमान 15 अंशांच्या खाली आले आहे. धुळे येथे 12.6 अंश सेल्सिअस तापमानाची नोंद झाली असून, राज्यात थंडी वाढण्याची शक्यता हवामान विभागाने व्यक्त केली आहे.
कृषी बाजारभाव आणि शासकीय योजना थेट तुमच्या मोबाईलवर
पिक विमा, नुकसान भरपाई, आणि शासकीय योजनांची माहिती थेट तुमच्या मोबाईलवर मिळवण्यासाठी स्क्रीनवरील व्हॉट्सअप लिंकवर क्लिक करून आमच्या ग्रुपमध्ये सामील व्हा.
शेतकऱ्यांसाठी उपयुक्त ठरतील अशा बातम्या आणि अपडेट्स लवकरच पुन्हा भेटू. धन्यवाद!
शासकीय माहिती आणि योजना WhatsApp ग्रुप⚡जॉईन करा!